كلمات المسلة رامي عصام
خليه يسمعلى و انا احكيله
اسمع مالقهوة كلام موزون
من واحد ادرى بحال جيله
الفرعون ابو كرش اتنكر
و ادانا قفاه مجلس عسكر
اصدر فرمان نبنى مسلة
للشعب المصرى المتهور
لو تسال اى مواطن فات
على المطرح هل شفت مسلات
هيقولك انا حاسس بيها
الكهنة اجتمعوا فى جماعة
و بقى ليهم منشور و اذاعة
بيسيبوا العلة و الفولة
و بروحوا يحكوا فى بتاعة
و الريف لسة نائم متسلطن
و موبايله الصينى قاعد يرطم
بيعشى عياله حكاية الغول
و الفول و العيش المتسرطن
لو تسال اى مواطن فات
على المطرح هل شفت مسلات
هيقولك انا حاسس بيها
وادى عامل طالب ثورى جريح
هم واقفين فى الصف صحيح
و الامن بيبنى جدار عازل
و مطلع للبلطجة تصريح
و ادى حزب الكنبة المتفائل
لو تسال اى مواطن فات
على المطرح هل شفت مسلات
هيقولك انا حاسس بيها
كلمات اغاني رامي عصام المسلة
غناء : رامي عصام
كلمات : امجد القهوجى
الحان : رامي عصام