كلمات المصالح محمد ابو سالم
للناس العقال
انا ما يقدر افعالي
غيركو يا الرجال
الدراهم غيرتكو
وصرتو انذال
يلعنكو ويلعن عشرتكو
لا تسوو ابطال
احنا الي عشنا دنيتنا
ميسرين الحال
مافيكو في يوم شمتنا
يا ولاد الحلال
عشناهي بالطول والعرض
وع روس الجبال
بنصلي السنة والفرض
وحالنا عال العال
والي فكرتة بيسندني
طلع هامل رجال
من اول طوشة جحدني
اكال ونكال
يا سامع قولي افهمني
ما ودهي جدال
الوقت هاذا جنني
ناسة ماشية شمال
يا ذيب افهم كلامي
ووزنة يا خال
وان كان مزبط تمامي
بس اضغط ارسال
طضغط وشيع للهامل
قليل الافعال
واقلة تذكر حالك
يا مسوي رجال
ودنا نطلع من دنيانا
بصافي الاعمال
حتي ان ظلينا ف شقانا
مانريد هالاشكال
يا دنيا كافي ووافي
ذقنا من الاهوال
وعلي رفقتنا عوافي
كلهم قلنا وقال
كله بيدور المصالح
كله يدور المال
في حدي الرفيق الصالح
من واحنا عيال
اما احنا رفقنا وافي
وعمرة ما مال
هاذا الي قليبة صافي
بياكل بالحلال
العالم صارت مظاهر
وصارت اشكال
مبين والله وظاهر
بيريدو المال
تاريخنا احنا سجلناة
بدمانا ياحر
والنذل والله عفناة
لو يملك قصر
فالسجن لينا حبايب
وناسن ثقال
والدمع عليهم سايب
يارب تفك الاقفال
فالسجن مقيد الغالي
فالسجن مازال
فالسجن سبع الرجالي
مربط بقفال
تشهد العالم علينا
حنا ناس قلال
في بلاد العزه ربينا
في سيناء الشمال
كلمات اغاني محمد ابو سالم المصالح
غناء : محمد ابو سالم
كلمات : محمد ابو سالم
الحان : محمد ابو سالم