كلمات اليالي حزينة اسامه ال صالح
وضاقت ارض المدينة
والخطاوي رهينة
وين من صد عني
كل ماجيت ابنسى
مر طيفه و مسى
ليتني قادر أقسى
كان ما خاب ظني
داعج العين وينك
ما سرى بك حنينك
لا تباهى بـ زينك
والزمن خذك مني
كنت اقول المساري
ما تجيب الطواري
لكن أمسيت ضاري
بالمواويل أغني
آه ياحر جوفي
ما تماكنت خوفي
بعثرتني ظروفي
والهقاوي اخذلني
يا سلام المشقى
الحزن ما توقى
كل ما غبت يرقى
والدموع اغرقني
جـتك روحي تنادي
يا معذب فؤادي
اكذب ان قلت عادي
الدروب ارهقني
مايس القد طاحت
دمعتي واستباحت
وراحتي منك راحت
الهواجس خذتني
قبل مالموت ياتي
انت اغلى امنياتي
معك صارت حياتي
وش يفيد التمني
كلمات اغاني اسامه ال صالح اليالي حزينة
غناء : اسامه ال صالح
كلمات : اسامه ال صالح
الحان : اسامه ال صالح