كلمات ال عاطف تفاخر في حمياه خالد ال بريك
ابشروا بالقصيد اللي تبونه
كن قصيدي سحاب ينتثر ماه
في مصاييف بدون يحترونه
كل ماجاء لزومه قلت ي الله
لا تخيب رجاي من المعونه
المعونه من الله والمباهاه
ماهي ب في القصيد وفي فنونه
المباهاه في جمع ذكرناه
يرهب الخصم ويزود غبونه
في مكان يشوف العين مبناه
قسمه النعم من شيد ركونه
ي سلامي على طرجم وشرواه
ما يشل الحمول الا متونه
طرجم اللي فعوله تجبر اعداه
ينطقون الصحيح ويمدحونه
قبله الشايب اللي مالحقناه
عجزوا شيوخ جيله يلحقونه
وجده ب رمحه وسيفه وشلفاه
يتقدم وربعه يتبعونه
من خلقه الله دروبه مخلاه
ليته جده وأبوه يعاينونه
اثقل الناس في هرجه وممشاه
واسرع الناس ل اللي يزهمونه
من حكى في غيابه جعله فداه
لا حضر كلبوهم يعرفونه
ال عاطف تفاخر في حمياه
كل مايذكرونه يشكرونه
يكفي أن كل مااحتجناه نلقاه
وكل من ظن به م اخلف ظنونه
الشجاع اللي يسوى ندة اعضاه
والكريم اللي أن شحت يجونه
يعتبر محزم ملهي ويمناه
ونعتبر درعه اللي مايخونه
وقفته جنب اخوه ابسط مزاياه
لو يجيه الرصاص يحول دونه
لا جلس ماجلس جنبه وراكاه
لين يملا عيونه من عيونه
خايف أنه يبي له شي ماجاه
وخايف ينادي ومايسمعونه
سعد عين الرفيق اللي بينخاه
لو على الموت قال أنا زبونه
ازهمه ب اسم عاطف واخذ مخبأه
واخذ جيبه وراه وتيلفونه
كلمات اغاني خالد ال بريك ال عاطف تفاخر في حمياه
غناء : خالد ال بريك
كلمات : سلطان عساف
الحان : خالد ال بريك