كلمات انامل بابليه تيسير الموالي
مدري شجاوب
مو كلبي كلب الياس
بالحله ذايب
نور ومناره
واول حضاره
ارض العجايب
الحله برضج جاذبيه
الدنيه تهواها
لوحة مدري مزهريه
شلون نقراها
انت اذا عشتار بابچ
منهو يدناها
من مسلة حامورابي
الدنيا شفناها
جنة الله وبشكلها
كل عقل يتحير
بابل ام الدنيا كلها
ولمصر نتعذر
ياحلالي وكلش غالي
واجمل احلامي
راجعة راجعه انتي
هيبة وجمال وحضاره
راجعة راجعة انتي
ويعمروج الغيارى
راجعة راجعة انتي
اول اذان ومنارة
كالولي صعبه تعود
كلناها سهله
بابل واهلها شهود
وتعاود احلى
ترجع اميره
ام عين الجبيره
واغلى الحبايب
باجر التاريخ يرجع والزمن يفتر
وتوكف الدنيا علبابج الچ تتعذر
انت يااول حضاره وللكتب مصدر
لازم يعاود جمالج اكثر واكثر
عذراً لكل الاسامي اسمج يكفينيه
نبعد و ننساج مره وانتي ماتنسينه
انتي امنه و انتي ابونه
وبلسم الامي
راجعة راجعه انتي
هيبة وجمال وحضاره
راجعة راجعة انتي
ويعمروج الغيارى
راجعة راجعة انتي
اول اذان ومنار
كلمات اغاني تيسير الموالي انامل بابليه
غناء : تيسير الموالي
كلمات : ميثم الرماحي
الحان : تيسير الموالي