كلمات انا اكبر من كلام اللي فؤاد عبدالواحد
وغلاتك في سما عيني يطيح الكون ما طاحت
آشوفك فوق يا كل الغرام وحب ما ينطال
وآحس روحي على غصن الوله في غيبتك ناحت
نبض قلبي ونظر عيني إذا شفتك يرد الحال
ونفوس بجيتك طبعا قسم بالله ما ارتاحت
يا حب ثابت فيني شموخه من شموخ جبال
كفوف ودها تزيح الجبل لكن ما زاحت
فديتك لا برق شوقي عدد وابل من الهمال
وفديتك كثر ما اتفدى طيوفك كل ما لاحت
أمان القلب بوجودك معي في حل و فـ ترحال
ومعي في داخل فوادي وإسمك داخله ناحت
سهرت الليل لعيونك وآحس فجري بدونك طال
مشاعر شوق أخفيها وعلى عيوني وله باحت
تعرف إن الصبر يقتل وكم قالوا الصبر قتال
ومكثر ناس ماحسبها متى جتني ومتى راحت
مكانك خافقي قصرك وتآمر به يمين شمال
ولك روضة غلا فيني وكل ورده وله فاحت
وفي عروقي نهر ودك وكل عرق محبه سال
وهلت من جبال الشوق مصعبها إذا اجتاحت
سكنت الروح يا روحي ولك روحي عليك ظلال
وإذا عيني فقدت شوفك تحن ومـ الوله صاحت
أنا بكيفي وعلى كيفي وأعيد الشطر ياللي إنقال
أنا روحي على غصن الوله في غيبتك ناحت
كلمات اغاني فؤاد عبدالواحد انا اكبر من كلام اللي
غناء : فؤاد عبدالواحد
كلمات : اصايل
الحان : فايز السعيد