كلمات انا عايز صبيه محرم فؤاد
وان خيروني في بنات العم
اخد الكبيرة اللي تشيل من همي
وان خيروني في بنات الخال
اخد اللي فيهم عارفة طبعي وحالي
انا عايز صبية يكون قليبها علي
ترسم لي على الطاقية قلب ويمامة ودار
تمسح دمعة بكايا ورموشها تكون غطايا
و ان طال الليل معايا كلمتها تكون نهار
يبقي لنا بيت صغير وقمر اخضر ينور
وولد دايما يدور عن حاجة يهشها
وهي تدخل وتطلع تتكلم قلبي يسمع
اتكلم هي تسمع وتحب عشها لو حتى مفيش فطار
اجي في المغربية تجري من الدار علي
تاخدني من ايدي ونتعشى سوا
نتكلم في اللي فات و في اليوم اللي ات
ينيمنا السكات ويصحينا الهوى و لينا الف جار
كلمات اغاني محرم فؤاد انا عايز صبيه
غناء : محرم فؤاد
كلمات : عبد الرحمن الابنودى
الحان : ابراهيم رجب