كلمات انة المجروح عبد العزيز محمد داؤود
الحب فيك يا جميل معنى الجمال مشروح
الحب لهيب فى الجوف زي الزناد مقدوح
منه الجبابرة تلين لصوت بلابل الدوح
و تصاحبه النسمات تفضل معاه تروح
بين نغمة الأشواق و محاسن الممدوح
الناس تحب رؤياك بالخاطر المشروح
يا ملفت الأنظار يا بسمة المفروح
و أنا أهدي ليك الحب حب من فؤاد مجروح
حب الشحيح للمال حب الجبان للروح
سورية فى السودان بحبي ليكي أبوح
يا عنب جنائن الشام أتمنى منه صبوح
و أنشد فؤادي الضال بين الرياض مذبوح
و أرى الهلال في ظلال تلك الخميلة يلوح
أنا لو ضمنت رضاك أكون سعيد ممنوح
يا من تسر رؤياك تفرح و تنسى النوح
تكسي النهار بجمال خديك جمال و وضوح
منه الغزالة تقيف فى موقف المفضوح
من الوله للقاك دمعي العزيز مسفوح
ناقم على الأيام مع أنه طبعي صفوح
أنا و الخيال فى جدال و أنت بنداك منفوح
كل ما النسيم يغشاك زي الحديقة تفوح
ناير كحيل نعسان أنسان رقيق و جموح
ساحر العيون بجمال فى سواك ما مملوح
إن كان تميس بنميس و إن كان تموح بنموح
عدل الطبيعة جعل جور الحبيب مسموح
كلمات اغاني عبد العزيز محمد داؤود انة المجروح
غناء : عبد العزيز محمد داؤود
كلمات : غير معروف
الحان : غير معروف