كلمات انجازات خطيره جمعه العريمي
تعرفون الرمز ماهوب بالمناوي
من بغى الناموس يشعب له ذلوله
ويارد الميراد من حبله رهاوي
ولا يقلط كون منعوتة ذلايل
سابق قنايها فيها غلاوي
راعية رمز على شله جريه
وصلها مابين مسك وعود جاوي
ماجتمع سبق غزير بلا سلاله
ساسها الطيب يوصلها الحراوي
كني اصف يوم اوصفها خطيره
بالشكل والاصل والفعل المساوي
راعية كاس الجذاع اللي ضفرت به
اسمها في شهرة النجم السماوي
يوم روح شوطها والضل مايل
روحت فالشوط مرواح النداوي
وانزحت من مقدم الشوط وتخلوت
بينها وبين الهجن جو خلاوي
كل عام شوطها تقفي بكاسه
مالها فالركض ند ولا مقاوي
قد خذت كاس الحقايق والقايا
وقفت بكاس الجذاع بالاملاوي
يوم مرت باللجان ووشحوها
ودك ان وشحها بشت حساوي
الذلول اللي ماينزل مستواها
تسلم ويسلم مضمرها الحماوي
ملك شيخ دايم اسمه فالصداره
هاوي لعليا ولناموس هاوي
ملك ناصر بن حمد وان قلت ناصر
فارس العالم ومزبان الجلاوي
مثل البحرين بالفعل المشرف
فالهجن والخيل والكف الرهاوي
كلمات اغاني جمعه العريمي انجازات خطيره
غناء : جمعه العريمي
كلمات : عبدالله ال شريان
الحان : جمعه العريمي