كلمات انفصام حاد الجوكر
وعرفت ان طوق النجاة يكون لي حوافر مع نيبان
بقى الجو هو الملك الناس حواليه بزمبلك
قمة السعادة وسط العبيد انت بس تمتلك
بيني وبينك يا احمد جدار انا عليك سيد قرار
قول انتحار او قتل مع سبق الاصرار
ليه يا جو فرحان بشرك والشيطان في طريقه جرك
ناسي ربك دينك اهلك والخضوع لامرك غرك
اصحى فوق شوف لك دوا ده وجود الجوكر فيك عي
يا ريت تصحى احمد خلاص كفاية دفنته بالحيا
وانت يا احمد كنت فين لما قسمتنا الدنيا اثنين
نص في كفة الناس داسوها ونص داس ع الكفتين
نص عاش ملك في غابة ونص اتدارى من الديابة
يا احمد فكين المفرمة في زمانا مسكن الغلابة
عايزني احييك وارجع عروسة فبترينه البوتيك
انسى يا احمد
رجوعك وهم ساكن بس فيك
واحد حي الثاني مات واحد عبد الثاني ساد
واحد كان لازم له فرصة يبيع فيها الثاني في مزاد
غايب حاضر بالهمسات حلمه يحيي فيه اللي مات
ده يشد وده يشد اتحول لانفصام حاد
واحد حي الثاني مات واحد عبد الثاني ساد
واحد كان لازم له فرصة يبيع فيها الثاني في مزاد
غايب حاضر بالهمسات حلمه يحيي فيه اللي مات
ده يشد وده يشد اتحول لانفصام حاد
فلاش باك على يوم من الحظ لعب معاك
حب الناس لشرك قتل حبك لاحمد من جواك
بعد ما عمو الجو نجح عملت من ماضيك شبح
ما هزتكش مرة كسره صوتي اللي اتنبح
الجوكر فوق عشان الناب سبق كلامه
وانت مت لما قبلت الدنيا تذل فيك قدامه
لا الجوكر وهم نفسه لما فسر طيبتي ذل
امال ايه معنى دمعك لما قطع فيك الكل
المعنى ان ربك فوق كل اللي باعنا
طب من ربك اللي فصلنا وفي جسد واحد جمعنا
اه جمعنا بس الاختيار ده كان بتاعنا
ازاي وشر الناس ع الشر فكل يوم شجعنا
وعشان الصح صعب تقوم تمشي الطريق الاسهل
هو انت يا احمد ناسي لما الضرب كان في مقتل
ما نستش بس صعب علي الجو سكينة تسرقه
ويروح طريق يغيب وقلب امه عليه يحرقه
واحد حي الثاني مات واحد عبد الثاني ساد
واحد كان لازم له فرصة يبيع فيها الثاني في مزاد
غايب حاضر بالهمسات حلمه يحيي فيه اللي مات
ده يشد وده يشد اتحول لانفصام حاد
واحد حي الثاني مات واحد عبد الثاني ساد
واحد كان لازم له فرصة يبيع فيها الثاني في مزاد
غايب حاضر بالهمسات حلمه يحيي فيه اللي مات
ده يشد وده يشد اتحول لانفصام حاد
الطبع يغلب التطبع وانا يا جو مالوش القديم
الشر يحكم اني اقوى طلقتي يا احمد في الصميم
انت تايه باللي في ايدك وانت عبدي كان لك سيدك
انت اللي الشيطان عماك ووهمك ان الناس عبيدك
اه عبيدي
لا اصحى يا جو انا لسة مادد ايدي
بعد ايه ما الدنيا حقنت سمها في وريدي
مفتش الوقت بس انوي من قلبك تتوب بجد
وهم يا احمد الجوكر خلاص مش عبد حد
طب وربك
ربك في السما واحنا في الارض
يا جو استغفر
هستغفر يا احمد بس بشرط
شرط ايه
ما تظلمش يقولوا قدري
ولما اخذ انسان في حضني ما يزرعليش خنجر في ظهري
ازرع خير احصد خير ما تاكلش بناب الغير
ميبقاش فينا صياد وواحد ثاني دوره الطير
بس يا جو
مالك يا احمد ساكت ليه
ها عرفت رجوعك في وهم مش هيحصل ليه
واحد حي الثاني مات واحد عبد الثاني ساد
واحد كان لازم له فرصة يبيع فيها الثاني في مزاد
غايب حاضر بالهمسات حلمه يحيي فيه اللي مات
ده يشد وده يشد اتحول لانفصام حاد
واحد حي الثاني مات واحد عبد الثاني ساد
واحد كان لازم له فرصة يبيع فيها الثاني في مزاد
غايب حاضر بالهمسات حلمه يحيي فيه اللي مات
ده يشد وده يشد اتحول لانفصام حاد
كلمات اغاني الجوكر انفصام حاد
غناء : الجوكر
كلمات : الجوكر
الحان : الجوكر