كلمات اوراق الشجر علي الواهبي
وش حصل ف اوراقها وش حصل ف اغصانها
في محطات الأماني نوقف ع الرصيف
ننتظر لحظه فرح سكرت بيبانها
الظروف تجرح الصدر ويزيد النزيف
الظروف احيان كنه طويل لسانها
كل ماجا ف خاطري ذبة الضلع المنيف
اتذكر عبرة شيدت جدرانها
اكتشفت ان المحبة ماهي صدق وزيف
لايغرك لذة شعورها واحسانها
لابغيت اسلى من الود والجنس اللطيف
تعترض لي ام سالم تجر ألحانها
ياجميلة حن مشينا على الحب العفيف
كل ذكرى تمر كان الوفى عنوانها
من تغرب من بلاده ما فكر لـ النكيف
عينها دولة وانا صرت من سكانها
راحت وخلتني ف حبها مثل الكفيف
خانت الي لو يطول الزمن ماخانها
قلبها مرات يحسد ومرات نظيف
وتباها بسم ابيها واسم جدانها
السوال ان قلت لي كيف غابت عنك كيف
قلت سبه غطرستها وعنفوانها
تقطعين الوصل يا بنت بالسيف الرهيف
والسبب زلة قديمة سهل نسيانها
اعرف ان ذي قدره الله وابنادم ضعيف
واليالي عشت ف افراحها واحزانها
استحلت في خفوقي وصارت لي وليف
والتعب والتضحيه لجلها ومن شانها
كلمات اغاني علي الواهبي اوراق الشجر
غناء : علي الواهبي
كلمات : عبدالمحسن الهميمي
الحان : علي الواهبي