كلمات باقي من الليل عبدالرحمن المريزيق
فكّر بـي و ردّنـي لحظـات في بالك
و بأي موقف به أفرحتك تصورني !!
أضف كفـي علـى يمناك و شمالك
و أقول لك : قدر ما حبّيتك اعذرني
كان الزلل يخفي الدمعات في شالك
رد الفرح وسط عيـني وإدمح و زرني
مشتاق لك في إنتظارك تاتي لحالك
أنا مثل ركـن راحل ! مـا يعبّـرنـي ..
إلا صور مـن بـقـوا فـي رفّ متهالك
انفخ غبار إنعزالـي ! عقـب جـاورني
ضع ذكرياتك عـلـى متنٍ قد اشتالك
سولف علي بأنصت لقصتك وأبهرني
بأدوار تنسـي محمد دور غربـالك ..
و بأعلمك كيف طيفك كان يعبرنـي
أعانقه و يتـخـللنـي كمـا ظلالك ..
إن مرّ زولك و عينـك لـي تناظرني
ثم مال ظّلك علـى زولٍ تهيّا لك !!
هيامي إن طالت الغيبات يجبرنـي
أطلب غنايمكْ وأرقب ساعة اقبالك
إيه ابتسم فك قيد الصدر حررنـي
أنا بدون إبتهاجك بالفعـل هالك !!
مافيه كون أنت في ذا الكون يقدرني
مثل ما انـا ما به إلا إياي فـي بالك
أقسم لك إنّي أحبك و أنـت خابرني
إن جيت ما ردّنـي عقلـي و عذالك
لذا إذا النور زال و جيـت سامرنـي
درب الشعور الوعر من شوقنا سالك
و اذا سرينا معا بخطـاك عبّـرنـي ..
أنت المقدّي و ليل ظروفنا حالك ..
باقـي من العمر ليلٍ فيه تذكرنـي
عطني بدر وجهك و للعالم هلالك
كلمات اغاني عبدالرحمن المريزيق باقي من الليل
غناء : عبدالرحمن المريزيق
كلمات : محمد راشد المريزيق المري
الحان : عبدالرحمن المريزيق