كلمات بتبص لي كده ليه ليلى مراد
بتبصلي كدة ليه عايز تمنيني
ولا صعبت عليك حبيت تواسيني
ولا شفت الحب نايم جوه قلبي
حبيت تشاغل مهجتي وتصحي حبي
بتبصلي كدة ليه والمكر جوه عينيك
سرحان تناجي ايه والحيرة باينة عليك
انت شفت الورد فتح ع الغصون
قلت تقطف وردة وتداوي الشجون
بتبصلي كدة ليه وانت حزين ولهان
لا حب تبكي عليه ولا حبيب غضبان
انت عايزني اواسيلك جراحك
ولا اغنيلك وتنسى طول نواحك
مال عيونكم عطشانة عايزة اللي دايما يرويها
ومال قلوبكم حيرانة مش لاقية حاجة ترضيها
اضحكم واسليكم واندمكم واواسيكم
وتاخدوا اللي الجمال يديه وانا اللي هخده منكم ايه
كلمات اغاني ليلى مراد بتبص لي كده ليه
غناء : ليلى مراد
كلمات : احمد رامى
الحان : محمد القصبجى