كلمات بتحبني وشهقت بالبكي وديع الصافي
وراسا على صدري تكي
قالت إذا بتحبني لا تروح
ولا تغيب عني يا حبيبي الروح
لا تترك بلادك
ارض أجدادك
قلتلها زهقان لبنان مش لبنان
نسمات عم بتلوح بالوديان
وتلال شعلاني وجبال بتشتكي
وبتحبني وشهقت بالبكي
سألت الضياع شو صار بزهورك
سألت المدن شو صار بقصورك
ردت زهوري صارت بواريد
وع القصور تكسر القرميد
ناح ارز الرب
ع العاطفة والحب
قالت حبيبي لا تكون يأسان
البلاد حلوي مسيجي زهورا
وبتحبيني وشهقت بالبكي
كلمات اغاني وديع الصافي بتحبني وشهقت بالبكي
غناء : وديع الصافي
كلمات : بيار روفائيل
الحان : وديع الصافي