كلمات بلبل غنى فيروز
بلبل غنى بحقلتنا ردد نغمات
قال بجيرة بلدتنا العيشة لذات
حلوة تحت الصفصافة القعدة بكير
والطيب ملون غافي بيموج كتير
والجدول هاني صافي حوله عصافير
وعا هالصفصافة لافي أحلى النسمات
حلوة أيام الغلة و قطف الأثمار
والسمرا تعبي السلة من دوالي كتار
ونحنا من حقلة لحقلة بظل الأشجار
نتنقل متل النحلة فوق الوردات
يا بلدتنا أضلالك نرجس و ورود
ياما من زهور تلالك نقـوطنا وعود
هالقلب اللي بجبالك هايم موعود
الا بفية عرزالك ما فيه يبات
بلبل غنى بحقلتنا ردد نغمات
قال بجيرة بلدتنا العيشة لذات
كلمات اغاني فيروز بلبل غنى
غناء : فيروز
كلمات : الأخوين رحباني
الحان : الأخوين رحباني