كلمات بمبي مسار اجباري
هتقول بتطبطب ع الأرض
ازاي خطوة برقة وخفة
تهز القلب بطول وبعرض
ازاي صوت بالعافية أنا سامعه
ينهي ويؤمر كيف ما بداله
ازاي عقلي بيحلف يمشي
وألاقيه عادي لف وجاله
ازاي لما بتلبس بمبي
تضحك بس وتقعد جنبي
كل مشاكلي معاها بتقلب
ضدي في ثانية ويصبح ذنبي
ازاي تبقى الورقة البيضا
زحمة ومليانة احتمالات
ازاي يبقى في كل سيناريو
محجوز لها كل النهايات
ازاي من كام ذكرى معايا
ريحة برفان على رسماية
كعبها عالي وسط كعوب
ردها دايما ده المكتوب
ازاي لما بتلبس بمبي
تضحك بس وتقعد جنبي
كل مشاكلي معاها بتقلب
ضدي في ثانية ويصبح ذنبي
كلمات اغاني مسار اجباري بمبي
غناء : مسار اجباري
كلمات : تامر مهدي
الحان : هاني الدقاق