كلمات بنت الخيال محمد عبده
قالوا إنك تحب وقلت ليه السؤال
كل شخص يحب وكل شخص يميل
والهوى ديرة ما بين صد ووصال
دوم فيها نزول ودوم فيها رحيل
يا عرب والقلوب أشوفها بألف حال
بين قلب جريح وبين قلب قتيل
والا أنا لو احب أحب بنت الخيال
نادره ما لها بالناس شكل ومثيل
فاتنة ناعمه فيها هدوء ودلال
حاوية كل زين وكل طبع أصيل
من يعرف الجمال يقول هي الجمال
وصفها في قصيدي يشبه المستحيل
كن في وجهها صبح ضحك لي وقال
يا صباح المحبة من خليل لخليل
وكن في عينها رمش ينادي تعال
واعذابي من الرمش الكسول الكحيل
وشعرها ليل أسود فيه صمت وجدال
وإن تحرك يضيع الصبح بأطراف ليل
وإن تناثر شعرها من يمين وشمال
ليتني يا بياض الصدر تحت الجديل
من يعرف الجمال يقول هي الجمال
وصفها في قصيدي يشبه المستحيل
إن مشت كنها غصن مع الريح مال
هزه الشوق من فوق خصر نحيل
كن فيها رسوخ علمته الجبال
وكن فيها شموخ علمته النخيل
الله اللي عطاها من جمال الخصال
بنت قلب رشيد وبنت عقل ثقيل
كامله والله اللي يستحق الكمال
صورة كل ما فيها فريد وجميل
يعجز الشعر عنها حتى لو في الخيال
كنه يقول يا ناصر ترى مستحيل
كلمات اغاني محمد عبده بنت الخيال
غناء : محمد عبده
كلمات : ناصر بن حمد ال خليفة
الحان : غير معروف