كلمات بنت صغيره امينة كرم
لسة بعمر الورد
قلبي طيب و صافي النية
ولا عم بئذي حد
بعرف بيتي و بعرف ارضي
اهلي محلاهم حولية
شو ما بدي بلاقي حدي
بالمحبة و الحنية
اجا كم مجرم على بلدتنا
قتلو بيي و اخدو خيي
صارو يقولو الارض النا
صدمة شو بكت عينيي
بصرخ ليش انا شو سويت
ما في حدا جاوب علية
بس مكتوب على باب البيت
من هنا مروا الصهيونية
اجا بعديها واحد شفتو
بشبههم ماشي حولية
من قهري هالحجر مسكتو
و رميتو وانا ماني قوية
مسكوني و ضربوني و قالو
بدنا محاكمة ع الاذية
حبسوني و التهمة شو قالو
اني مجرمة ارهابية
مين بيرضى بهاد العار
اسمعي صوتي يا بشرية
ياللي متلي لسة كتار
امتى بيشوفو الحرية
كلمات اغاني امينة كرم بنت صغيره
غناء : امينة كرم
كلمات : عبدالقادر زين الدين
الحان : خالد مقداد