كلمات بو فارس محمد الشامسي
يمطر ف ارض القصايد نبت خزامه وفله
لا مدحنا راعي الوقفات ف ايام الشدايد
قامت حروف الجزاله اسم بوفارس تشله
ترزف ف ميدان شفه بالبنادق والنشايد
تعتلي هامات اسمه فالسما بين الاهله
لانها تعرف بان الطيب له سمت وعوايد
كل موقف لو ثقل حطه علي كتفه وشله
وفي جبين العز فعله كاليبل شامخ ونايد
يوصل قلوب الاودام لو بعيدن عن محله
صافحت ايدين عطفه ما تريت للفوايد
باب خيره ماتسكر دايمن مفتوح كله
بيض الله ويه بوفارس وافعاله سنايد
كل يوم وكل شهر وكل عامن نحتفله
كلمات اغاني محمد الشامسي بو فارس
غناء : محمد الشامسي
كلمات : محمد بن سرور
الحان : محمد الشامسي