كلمات تتر مسلسل ارض جو سميرة سعيد
وليه كل اللي حبتهم معملوش اللي قالوا عليه
لا لاقية جواب لاسئلتي ولا برتاح من التفكير
وديما يغلطوا لكن انا اللي بسدد الفواتير
ميزان الدنيا ارض وجو بينزل يوم ويطلع يوم
ويا تسلم لضعفك او تحاول مرة تانية تقوم
وانا اللي حياتي خليتني اشيل اوجاع واخبيها
كاني عايشة في الدنيا يدوب ضيفة شرف فيها
بناء عن ظروف جدت مشيت مضطرة عكس السير
درس الشر علمني احس بمعنى كلمة خير
جو الارض متداري جواهر ياما مش بتبان
عشان نلمسها بادينا لازم ينفجر بركان
مفيش جوايا غير احساس بخوف
ويبقى النور قصادي ومش بشوف
بتتغير في قلبي حاجات كتيرة
لما بيسالوني بقول ظروف
وليه انا ديما متلخبطة
قلقانة ومحبطة وقلبي حزين مخنوق
وليه كده ديما متالمة مش طايلة سلمة تاخدني لفوق
وليه انا ديما متلخبطة
قلقانة ومحبطة وقلبي حزين مخنوق
وليه كده ديما متالمة مش طايلة سلمة تاخدني لفوق
كلمات اغاني سميرة سعيد تتر مسلسل ارض جو
غناء : سميرة سعيد
كلمات : محمود عبدالله
الحان : اشرف سالم