كلمات تذكرتي حمزة نمرة
والغربة ليل بهتان
يا قلبي يا موجوع
إياك تكون قلقان
لو طالت المسافات
أنا والأمل إخوات
وتالتنا كان الليل
ده انا ليا فيها النيل
وليها فيا الروح
ماخترتش إني أروح
مانا جوعي كان كفران
ملعون أبوك يا طموح
أخرك تشوفلي كفيل
أنا مش في بلدي عويل
لكني مش بتشاف
زهرة سنيني عجاف
مع إن ليا عزيز
إفتوني في رؤياي
لموا الأماني إزاي
حطوها ع الباسبور
أحلامي صبحت بور
ممنوع عليها الضي
البعد عنك خوف
وانا ع الرجوع ملهوف
لكن هعود ازاي
ومكاني كله ضيوف
يا قلبي يا موجوع
يا آهه حاضنة دموع
حب البلد بيعيش
لما يموت الجوع
يا حضن بيساعني
واحتجت له وباعني
ساعة ما مد إيديه
شاور وودعني
لكني مش قلقان
تذكرتي رايح جي
كلمات محمد السيد
لحن حمزة نمرة
كلمات اغاني حمزة نمرة تذكرتي
غناء : حمزة نمرة
كلمات : محمد السيد
الحان : حمزة نمرة