كلمات تروما ونوس
حتى إن كان قلبي في حريق فـ أنا مسؤول إني أطفيه
عادي مفيش غيري بيلحقني من تفكيري الرزل
يحرم عليا أعاتبك تاني حتى لو بنصهر
عمري ما لقيت أجابة هل ممكن يوم ماخافش
بغيب بـ اليوم ده بس عشان سؤال انت مبتنامش
كلامي كان يتحس ولا يتغنى ولا يتقري
كسرت سناني بس عشان كرهتوني في ضحكتي
لاعبتك عـ المكشوف ضربتيني في مكان إصابتي
بقى يعني يوم ما إتغفل تبقى منك وبـ رصاصتي
مظنش هرجع أصفى حتى لو بقول سامحتك
مبروك راضيتي الناس لكن خسرتي ضحكة إبنك
لو فارقلك مبقاش في قلبي شيء لحد
شوفي هتراضيني إزاي أنا مش زعلان أنا اتقفلت
يا اللي في عز ضيقتي إختارتي إنك عليا تقسي
مش هتشوفي في حنيتي تاني تحديدا مني
طفيتي روحي الحلوة وغيرتيني لـ شخص ساكت
على فكرة أنا عمري ما كنت هعمل زيك لو مكانك
مضمنيش غير شارع لما البيت حيطانه مالت
رديت غدرك بـ غدر دي الأصول ده أقل واجب
خسرتني وخسرتني
ورا كل تروما كنت بلاقي إن البداية انتي
انا احساس الذنب بس جاي في صورة إنس
دايما بتساب في الاخر تقدر تعتبرني التيبس
بتعرف تحكي بس لغيرك
شكلك باين عليه ان انت النوم مش بيزور عينك
ساقوك بعدين ساقوك جابوك بعدين سابوك
مستني تحصد ايه بعد اما زرعت فيا شكوك
فوق باقيتي راحت من زمان
مبقتش أحس براحه غير وصدري في دخان
لاموني عشان بتكلم اتنيلت واتكتمت
دبحت نفسي اتلامت اني وسخت الأرض دم
أنا كل نهار بقول ما يمكن تحلو النهارده
هتعرف قيمة النار يا صاحبي بس لما تبرد
بقيت مكسوف أكتبلك اللي حاسه السن فرق
هكتبلك اللي في قلبي ازاي وقلبي نفسه اتحرق
طفيتي روحي الحلوة وغيرتيني لـ شخص ساكت
على فكرة أنا عمري ما كنت هعمل زيك لو مكانك
مضمنيش غير شارع لما البيت حيطانه مالت
رديت غدرك بـ غدر دي الأصول ده أقل واجب
كلمات اغاني ونوس تروما
غناء : ونوس
كلمات : ونوس
الحان : ونوس