كلمات تفارق كيف تخلينا محمود عبد العزيز
و كيف بعدك يكون الحال و كيف تصبح ليالينا
فريقنا الكان مفرهد بيك و عاش روعة تلاقينا
صبح حزنان و ما مصدق في يوم ترحل تخلينا
و ين بعدك نلاقي حنان طيبة و رقة يا زينة
مشيت خليتنا للايام منو الغيرك بواسينا
و حاتك نحن ما بننساك و لا بعدك بنسينا
و مهما طالت الايام مصيرو الحي يعود لينا
بنحسب بعدك اللحظات و ليل الشوق يطول بينا
و ما بنتهنى يوم بعدك و لا الايام تصافينا
تصور حالنا كيف بعدك و كيف فاضت ماقينا
رحلت و شلت كل الكون منو الغيرك بواسينا
كلمات اغاني محمود عبد العزيز تفارق كيف تخلينا
غناء : محمود عبد العزيز
كلمات : غير معروف
الحان : غير معروف