كلمات تمني احمد الحريبي

تمني واطلبي مني حياتي
تهني يابعد عمري وغلاتي

أنا عمري والله .. في يدينج أمانه
منهو غيرج ارخص الغالي عشانه

من عيوني روحي أوصيها وصيه
كل حياتي .. فدوه لعيونج هديه

لجل عينج والله ياتاج المحبه
انتي وحدج من سكن قلبي وحبه

انتي شمسي .. وانتي نوري .. والنهار
وانتي قمره في سما ليلي فنار..

ياعاليه في القلب .. يانبض المشاعر
انتي إلهام القصيده بقلب شاعر..
بس تهني .. واطلبي مني وتمني