كلمات جار الزمن عيسي المشعلي
جروح فوق الجروح ازريت لاقوالها
تهشّم الصدر من ناراً بجوفه تفوح
ناراً بجوفه تصالي له ويصلالها
ودي اني ابوح مابالصدر وازريت ابوح
وكبتّها حسرتاً في صدري وشالها
اشتالها نار ما خلّت من الروح روح
نار المفارق وحسرتها وغربالها
والله مدري لاجيت اروح انا وين اروح
ضاقت عليه يمين الارض وشمالها
فقدت اعز الخلايق والرجا والطموح
ومناة روحي وغايتها وصفا بالها
ياغاليه من بعدك اصيح وابكي وانوح
والحال يوسف لها والله ويرثالها
يامه فقدتك ياهامة حبنا والسفوح
يااطهر محبه حملها القلب واشتالها
من بعدها مابقا قدامي الاّ النزوح
لكن من وين ماانزح كني قبالها
اشوفها قدم عيني تقل بارق يلوح
ايلين ماقمت احي البرق كرمالها
دنيا يادنيا الغموض اللي مافيها وضوح
خلتني امسي لحالي وامي لحالها
قصرت شبوحي وانا ماني قصير الشبوح
لكن هذي هي الدنيا وذا حالها
سلام ياديرةٍ شيّدت فيها الصروح
وسلام يادار لم الام وعيالها
وسلام ياقبر ظمّيت السموح الدموح
قلباً محبته نرجيها ونسعالها
قلب الغلا الطاهر اللي بالمحبه نصوح
علمني ان الوفا والطيبه خصالها
يامه بعدك السوالف كلها والمزوح
الوانها باهته بالعين واشكالها
مال الليالي طعم ولا للايام روح
ماغير يمنى يتيماً تصفق شمالها
راحت ولكن غلاها باقيا. مايروح
يالله عسا جنة الفردوس منزالها
كلمات اغاني عيسي المشعلي جار الزمن
غناء : عيسي المشعلي
كلمات : فهد السحيمي
الحان : عيسي المشعلي