كلمات جحيم الصياهد الجفراني
مآخذينه والعدو منغاض والعالم محيمه
لانــهـاز ولانــزاع ولانــراع ولانـجــارى
نعشق صعاب الامور الي عواقبها وخيمه
علم اللي يستعير المدح ويحب الممارى
والله إنـا لاحضرنا مايـذوق الا الهزيمه
كم شجيع لا لطمنا خشته عود حبارى
وكم ضعيف في ذرانا صار له قدر وقيمه
لاحتزمنا واعتزينا من على قحص المهارى
ياعجب عين الدخيل اللي خذا حقه غريمه
نبا نلعب اوراق التحدي على المكشوف
ومن قال قول يثبت القول ميقافه
قلطنا بقوه ماتجارى وحد سيوف
ألخصام منها مستذيره ومختافه
لنا الاولويه لاغدى فيه دحم كتوف
وابو فلسفه مانلتفت في تفلسافه
وشرهة ضحايانا على المخلب المعكوف
وراعي الحسايف وش يفيده تحسافه
ماجينا الصياهد ياوساع الحلوق ضيوف
حضرنا نرد الشره ونحطم اهدافه
ياكم واحد اشعلها حرايب وطق دفوف
ويلا جات حزة موقفه عاش من شافه
جحيم الصياهد لامحنه ولابه روف
مايصلح لبو وجهين وضلوع شفافه
بيبقى الجبل شامخ وتبقى الضعوف ضعوف
نميز ثقال الوقت ونميز خفافه
تقدم لها الراس الحماوي عديم الخوف
ابو عامر اللي قمة المجد مشرافه
خذاها بقوه مفرطه والعيون تشوف
يوم إن الردي لاجاء اللقاء تبرد اطرافه
بيبقى لكم جرح مايبرى وعلة جوف
له المجد وشداد الفخر وانتوا خلافه
يقزم كبير النفس ويهجد الملقوف
بعيد النظر من حاول يزعزعه عافه
لعينا نهد فالماقف الشامخ المشيوف
ياكم شيك ابو مليون قد قام بتلافه
على كيفنا ونطوف اللي نبيه يطوف
نصول ونجول وراية العز رفافه
تركنا لكم فرصة تنافس وذا معروف
لحد يجحد المعروف ويقول ماشافه
تقدم ياعبد الله بوضح سخاف ولوف
عرانينها فوق الغضاريف نوافه
تقول إن وبرها من رقيق القطن مقطوف
تشوف الجمال النخبوي بندر اوصافه
جنبها نهد دهم المحازم صفوف صفوف
وعلى صوت راعيها شفوقه ومشعافه
نواميس عبدالله حقايق مهيب شفوف
وهاذي عوايد للقضاعي ولسلافه
كلمات اغاني الجفراني جحيم الصياهد
غناء : الجفراني
كلمات : محسن بن عبدالله ال شماخ
الحان : الجفراني