كلمات جروح المحبين محمد العليي

الوقت ماخذني ولا ادري على وين
بس ادري ان الوقت ماضي و محسوب

ما عشت مسلوب الإرادة و مسكين
عشت العزيز اللي من الحظ مسلوب

دمع بقى في عيني اولى به العين
الدمع غالي كل ما كان محجوب

ما عاد تألمني جروح المحبين
ولا عاد احس اني بحاجه لـ محبوب

أشيائي اللي كنت ابيها من سنين
قامت تجي من صوب واروح من صوب

من اول الممنوع مرغوب واللحين
كبرت و الممنوع ما صار مرغوب