كلمات جماله مشاري العوضي
جماله مافي مثله سهرني ليلي
عشقت انا عيونه من اول دقيقه
طحت فغرامه يا ناس ياويلي ويلي
ملك الجاذبيه في ضحكة عيونه
كلامه و صوته يطرب دقات قلبي
اشوف الدنيا ظلمه لوني بدونه
و ينور لي حياتي يوم انه جنبي
جماله سوا فيني حاله
انساه استحاله
راكز وسط عقلي
ضروري يحبني ضروري
و يفهم شعوري
وشكثر انا اغليه
بديت ارتب له كلامي و المعاني
اديب و شاعر انا صرت لجل عينه
و يوم اني شفته بلحظة انربط لساني
بديت اتأتأ و كلامي كله وينه
كنت اعتقد ابد ما ألاقي حب حياتي
ولا هقيت اكون انا عاشق و هايم
لقيت اللي تعدى حلمي و امنياتي
ياليته من نصيبي و يبقالي دايم
جماله سوا فيني حاله
انساه استحاله
راكز وسط عقلي
ضروري يحبني ضروري
و يفهم شعوري
وشكثر انا اغليه
كلمات اغاني مشاري العوضي جماله
غناء : مشاري العوضي
كلمات : مشاري العوضي
الحان : مشاري العوضي