كلمات جنة الخالدين التراس اهلاوي
شاب بتشيرت أحمر وشه فرحان مش حزين
داخل بالخطوة مادد مستغرب المكان
دى الجنة يا شهيد يلى مفيش زيك انسان
في طريقة قابل شباب وسألهم جايين منين
إحنا من يوم خمسة وعشرين فى زيادة لية مش عارفين
بالنسبة للمكان قلنا قابله حكايتك اية
مش أصلك بتاع استاد إية اللى جاب هنا وبتعمل إية
فجأة ومرة واحدة إفتكر اللى حصل زمان
بدأت دموعة تنزل لما جت سيرة المكان
فى الأصل دا كان مدرج وصبح غابة فى غمض العين
الغدر فى كل حتة صحابى راحوا فين ليه مش باينين
الدم فى كل حتة ريحة الموت فى كل مكان
راح فين هتاف المدرج راح فين صوت الشجعان
شايف بعينيا غدر من داخلية الكلاب
معرفش ياخد حقه بأيده قام واخده بقفل الباب
اسكت بطل كلام كفاية يا بنى حرام عليك
فاكرينك هتبشرنا نصر الثورة بين ايديك
إحنا مش فاهمين كلامك عايز بس تقولنا إية
إن حقنا لسا ضايع واللى عاشوا بيجروا علية
عمر ما كان ليك فى السياسة
إية اللى رماها يا بنى عليك
عايز تلعب سياسة اسكت غمض عينيك
رد وقال طول عمرى ثورى والأهلى جوا عينيا
والأهلى اللى معلمنى عمرى ما افرط فى الحرية
بينهم ظهر السكوت والصمت ملى المكان
وبان فى عنيهم حسره ع الكفاح بتاع زمان
فى غشاوة على العيون مش مصدق الحقيقة
لسه الافكار فى بلدنا بيهدموا فيها كل دقيقة
كلمات اغاني التراس اهلاوي جنة الخالدين
غناء : التراس اهلاوي
كلمات : التراس اهلاوي
الحان : التراس اهلاوي