كلمات حب الوطن عبدالعزيز العليوي
حب الوطن من صغرنا شاربينه
والحب من ربي وينطق به البوح
محبته وسط الضماير دفينـه
ماهي محبة يوم يومين وتروح
أجدادنا من قبلنا قايلينه
بقلوبنا حب الوطن باني صرووح
وابواننا بأعمارهم خادمينه
خدمة ولاء ماهم بخدام مصلوح
متوارثين الحب ومورثينـه
والحب ثابت مثل مايثبت الصوح
ويا لايمين القلب يا لايمينـه
حب الوطن يجري مع الدم بالروح
وراع الفتن واللي يحاول يعينه
مدحور بإذن الله وخايب ومفضوح
دار عزيزه والدوافع ثمينـه
من دونها شجعانها تبعد الشوح
واللي نوى بالشر تكسر يمينه
كم معتدي خلوه من فعله ينوح
وتبقى الأمانه في اليدين الأمينه
من بعد كانت بين ذابح ومذبوح
والحمد لله في القرى والمدينه
الدين قايم والصدر دوم مشروح
ننعم بخير وفي أمان وسكينه
حتى الطيور شباع في سدرة الدوح
كلمات اغاني عبدالعزيز العليوي حب الوطن
غناء : عبدالعزيز العليوي
كلمات : هدى البليهد
الحان : عبدالعزيز العليوي