كلمات حر الاشتياق جفران بن هضبان
أفرق بها واخذ جواهرها بعذب المنقوي
اسج مع نامي دعاثيره بعد مالجو راق
كن الشمطري يرسل النسمات للعد الروي
ياجعلها بالمزنه الغراء وبالوسم الحقاق
الي ليا دورتها تجمل وعز المنصوي
ماكني إلا ماخذ منها حصانه وتفاق
توقد مصابيح الليالي فالضلام وينطوي
أهيم كني هايم يشعاه حر الاشتياق
في ليلة تصعب على العاشق وقلب المهتوي
تشعل ملاهيف الضماير بالهتف والاحتراق
لين اختلافات الذوايق تستقيم وتستوي
اتي بجوهرة الكلام العذب من طيب ووفاق
وابل ريق الذايقه واروي غرور النخبوي
بعد ملكني صاحب المعروف فيه المدح لاق
يستاهل الإمداح منهو للمراجل محتوي
دمث الجناب وريف من جاله بساعات الغراق
منقاذ صعبات الامور ومن قطن جاله روي
جيته ونا مرهق من اظروفي بحمل مايطاق
وشتال حملي كن ماغيري من الراحه سوي
اللازم الي يعسر الشرهين لا دور غلاق
ياقف له أمحمد وابو مروان نعم المطروي
عون الرفيق ومزبن الي جار ابه وقته وضاق
يقشع ستار الضيم عن صدر الدريك المنطوي
المرجله ولفة سموه ولف ليلا للبراق
اتقول ماغيره على سبع الاراضين أحموي
من دون ربعه ثاني رجله على ركبه وساق
فالآزم الغصاب اله قاله وله عزم قوي
ماسار بالفتنه على ربعه وثار الانشقاق
وحد صفوف ترهب الاعداء ونصر للخوي
ابوه عاضه لا اصطفق بحر المقادير اصطفاق
يطلع مطاليع تشوق العين والقلب اجروي
من لاد ملفي هم عزاوينا ليا ضاق الآفاق
كم من خصيم ذاق سلات القنى والهندوي
سموا الشلاوى كل ماسلو مصاقيل إرقاق
يسطع بريق اسيوفهم ولنضخ بندقهم دوي
قلته يابو مروان ماهو لاريا ولا نفاق
سابق جميل وسيف امجرب ومنهج تربوي
كلمات اغاني جفران بن هضبان حر الاشتياق
غناء : جفران بن هضبان
كلمات : جفران بن هضبان
الحان : جفران بن هضبان