كلمات حزين جدا سعيد علي حسين
لما بقول انى حزين جدا سعيد
ما احنا بنطلع نبكى ع الاموات
في عز ما احنا فرحانين بالعيد
البرتقان حادق قوى مسكر
والبحر رايق بس متعكر
والدنيا ممكن تبقى حر وبرد
ما الدم لونه زى لون الورد
وحلمنا قريب قوى وبعيد
يا حبيبتى ليه مستغربه
لما بقول انى حزين جدا سعيد
ما احنا بنطلع نبكى ع الاموات
في عز ما احنا فرحانين بالعيد
ممكن تشوف بالليل قلوبنا صباح
م الملح ممكن يتعمل ارواح
ممكن نغنى غنوة للاحزان
ونغنى نفس الغنوة في الافراح
ما الدمع دايما فى العيون
وقت الفرح بيفيض
يا حبيبتى ليه مستغربه
لما بقول انى حزين جدا سعيد
ما احنا بنطلع نبكى ع الاموات
في عز ما احنا فرحانين بالعيد
كلمات اغاني علي حسين حزين جدا سعيد
غناء : علي حسين
كلمات : بدوي جمعة
الحان : يحيى منير