كلمات حفل تخرج ضباط بني تميم عبدالعزيز العليوي
وراسي من الهاجس تواقد سعيره
يالين اسنع لي من الدق فاعوس
والطم بها شوط الطروق العسيره
فرديةٍ كن ها من ابكار دبوس
صفرا ٍ تبختر في نهار المسيره
شاعر ولا تشرى مبادية بفلوس
انا فقط تحت نطاق العشيرة
للموس لحية بارد الوجه للموس
ترى الحمايا ماتثمن بليرة
رجال ماهو في بني خيه ماهووس
مثل الذي مافيه شيمة وغيره
ربعي وانا ربعي من القوس للقوس
جمعٍ اماري به ادهاةٍ شهيره
جمعٍ يغيض نفوس وينومس نفوس
اليا نفخ شيطان الاحقاد كيرره
ماهوب غادي بيرق العز منكوس
وبعيرنا توحي ،، المفاخر هديره
حظٍ لنا جابك ،، مولي ومنحوس
كم سربةٍ راحت ،،، بيدينا عقيرة
حنا مطنخ نروس ونصامخ الروس
ماعندنا ف اطلق شنب فالجزيرة
واليا سهجنا اديار شرابة الكوس
جرة جرايرها ،،، جريرة جريرة
اتقول عاثي في ثرى القوم هندوس
وابترثت القعقاع ،،، وابونويرة
اليا زعلنا نودع ... الراس مريوس
واليا رضينا مارضينا بسيره
بني تميم اليا غدى النصر ميئوس
النصر ناتي له جموعٍ غفيره
حبل كرامتنا على العز ممسوس
ونفوسنا مالله ... خلقها فقيره
تاريخنا في كل صفحة وقاموس
وامجادنا في كل منهج وسيره
ثوب الشرف لحفاد ابن مر مبلوس
لين الحشر والعلم جابه بشيرة
المدح في ربعي هل الرمح والقوس
اتقول كنه ... فرض ولا شعيره
واللي على هامة مضر تقل محموس
عمره وعمر محرضينه قصيرة
معلومات الاغنية
حفل تخرج ضباط بني تميم
كلمات : خالد ال تويم
اداء : عبدالعزيز العليوي
.
كلمات اغاني عبدالعزيز العليوي حفل تخرج ضباط بني تميم
غناء : عبدالعزيز العليوي
كلمات : خالد ال تويم
الحان : عبدالعزيز العليوي