كلمات حق انتفاع عبده سليم
أنا ضحكة يسمعها القتيل لو صرخت
أنا صورة من كتر الغبار اتعفرت
أنا نكتة حلوة اتكررت واهي بوخت
أنا أرض بور الهم خدها حق انتفاع
انا سهم بورصة في انخفاض مش ارتفاع
أنا متهم وماليش كمان حق الدفاع
أنا باب ومقفول من سنين مفتاحه ضاع
انا شكر بس ومنظر انما مش بعيش
انا قصة من تأليف بس ماتتحكيش
في الحزن واخد دور بطولة وألف جايزة
مع اني مبتنزلش صورتي على الأفيش
أنا حلم كل ما بحلمه بيطلع كابوس
انا سلعة للبيع والشرا من غير فلوس
أنا حد كان شاطر أوي ويوم الامتحان
نسي لجنته وضيع كمان رقم الجلوس
أنا دمعة نازلة بتبكي وفي وقت الهزار
انا شيئ بسيط محطوط في قايمة الانتظار
أنا تحفة حلوة بجد معروضة في بازار
أنا جرح ممكن تقفله بأي اعتذار
أنا حد ضايع حقه من طيبته مازال
طيب وشايل كوم هموم فوق الاحتمال
انا نجم وفي عز انبساطه وشهرته
بطل خلاص تمثيل وقرر الاعتزال
كلمات اغاني عبده سليم حق انتفاع
غناء : عبده سليم
كلمات : غير معروف
الحان : غير معروف