كلمات حلاة الدار الهاجس الدرعي
والجبال اللي اتوشح بالغيوم
جيت واشواقي اسبقني ياظفار
عاشق يشكي لمحبوبه الهموم
عاشق من فوق دربه يوم سار
يحمل اشواقه وفي قلبه علوم
يا صلالة يا عسى ارضج عمار
يرتعن فيج المهايا و الريوم
ويا حلاة الطير لي غرد طار
لي عزف لحنه لمدقوق الوشوم
والنهر جاري وعود واستدار
لي عكس ضو القمر ويا النجوم
اشهد انج للمصيف خير دار
يكفي انه بين عربان وقروم
كن من فوق الجبل حل الوقار
وكن فوق السهل للطيبة رسوم
انتي الوجهة القريبة والمزار
لا تلومي لي يزورج كل يوم
عن طريق البر والا بالمطار
السحايب وايهنا بالخشوم
و الرذاذ يهل في ليل ونهار
لين غدر في الجبال وفـ الحزوم
واكتست الارض بعشبها يوم ثار
كالعروس اللي تحلت بالهدوم
كلمات اغاني الهاجس الدرعي حلاة الدار
غناء : الهاجس الدرعي
كلمات : عبيد بن خصيف الكعبي
الحان : الهاجس الدرعي