كلمات حلوة المبسم محمد الماسي
ياكاملة بالزين ليتك تجيني
شوفك ينسيني همومي والأوجاع
يافرحة الماضي وباقي سنيني
لاشفت زولك قلت يامرحبا الساع
وان غبت عني زاد شوقي وحنيني
في حبكم ياصاحبي دوم طماع
وكل الليالي في وجودك تزيني
زود على حسنك بعد حلوة أطباع
وكل العرب في حبكم حاسديني
ياللي مكانك يالغلا بين الأضلاع
ودي بشوفك ترتوي منك عيني
لاتحرمين اللي من الوجد ملتاع
وانتي سبايب علته ياظنيني
يازين حبك داخل القلب ماضاع
مادام حبك بالهوى محتويني
في طلتك هيبه بها نور واشعاع
حتى القمر من طلتك مايبيني
كل العيون ان شافتك غصب تنصاع
تتبع نظرها فيك لو تبعديني
ياليت نبحر دون مرسى ولا شراع
عشان يدينك ما تفارق يديني
قصة غرامك ما بها زيف وخداع
انتي وبس اللي ترى تسعديني
كلمات اغاني محمد الماسي حلوة المبسم
غناء : محمد الماسي
كلمات : مليح المليحي
الحان : محمد الماسي