كلمات حنا سعوديين بدر الشعيفاني
والشعر له وقفه حراوي مسيان
قمت اتغنى بالنواميس مفتون
في حب دارن مايقدر بالاثمان
ياطيب كبدي يوم اردد على الهون
شي من التاريخ والبال طربان
عمار يادارن به العز مضمون
يسود سادات العواصم والاديان
عمار يادارن بالامجاد مقرون
من خلقة الدنيا وهو عالي الشان
موطن فخر يستاهل الروح عربون
لا ثار للهيجا شراره ودخان
مع احترامي للبشر داخل الكون
حنا جنود الله في كل ميدان
والله ماتسمح كبريانا على الهون
مادام قايدنا على الوقت سلمان
ياسيدي وانته على شعبك تمون
والموت واحد في تباريح الازمان
اضرب بنا العدوان صاحي مجنون
يابو فهد حنا لك حزام الامان
حنا سعوديين والخصم ملعون
ماهمنا يوم اللقا كاينن كان
نعصب جباهي روسنا باخضر اللون
وعروقنا تجري بسنه وقران
من يحلم انه ضامنا طيش وجنون
قله ترى ماجت به امه ليا الان
طموحنا العالي له اوتاد وركون
مانعرف الحيره على كل حرمان
يقود رؤيتنا من القوم دندون
اي والله انه فخرنا بين الاوطان
هذا محمد محتدي كل فرعون
هذا ولي العهد هذا كحيلان
الله عطاه جهود واحلام وضنون
يكسب بها في صطوه الواقع رهان
على العهد يامحمد الدار مصيون
والشعب كله ينعم بخير وامان
ماهمنا اللي خلفنا عاش مغبون
حدودنا من دونها كل طغيان
وجنودنا هامات وقلوب وعيون
وكفوفنا للجود والخير عنوان
ماننزل الا للعباده وللعون
هاماتنا دايم تواضع للإحسان
لو نملك من الغطرسه مال قارون
يروح في ليله على شان الانسان
معلومات الاغنية
كلمات ابراهيم الزراقي
أداء بدر الشعيفاني
كلمات اغاني بدر الشعيفاني حنا سعوديين
غناء : بدر الشعيفاني
كلمات : ابراهيم الزراقي
الحان : بدر الشيعفاني