كلمات خدني ع بلدي نانسى حوا
كومة هدايا حلوة ملفوفة بذكريات
نصيحة من ابوي و دعوة من قلب امي
وكمشة حنية من ستي بتسوى الحياة
لون السما ببلادي غير
صوت المطر حتى الهوا والله غير
بيروحوا ناس و بييجوا ناس
و بتبقى انت يا بلد بقلبي غير
خدني معك ع بلدي
مشيني بين الحارات
احميني من غربة عمر و ازرع فيي الحياة
خليني بشوارعها اكبر
وبسحر قمرها اسهر
والله ما راح بتأخر
بس خدني معاك
نظرة امل نظرة خجل
بعيون الحب الاول
زفة عرس لمة جارات
ع دلة قهوة حلوة
رن الجرس فرحة طفل
بلش بصف الأول
ريحة ترابك يا بلد من بعد أول شتوة
نجوم السما تبعت سلام
ورق الشجر عطر الورد طير الحمام
بيقولوا ناس و بيحكوا ناس
ما بيوفي حقك يا بلد ايا كلام
خدني معك ع بلدي
رجعلي أيام زمان
اسرق مني الوقت وارميني ع بر الأمان
اعطيني من بلدي الحنين
اعطيني خبزة زيت وزعتر
والله ما بدي أكثر
بس خدني معاك
خدني معك ع بلدي
نسيني كل اللي راح
لو مرة بس شوف البلد خلي القلب يرتاح
طعميني من ارضنا تين
ومن سهلنا لوزه اخضر
بس خدني معاك
كلمات اغاني نانسى حوا خدني ع بلدي
غناء : نانسى حوا
كلمات : قاسم يونس
الحان : قاسم يونس