كلمات خشم الريال علي بن محمد
مال بليا عز ماهو راس مال لو صاحبه حاز المراجل كلها
مدام دنياك الدنيه للزوال الله ولاظيم النفوس وذلها
لاتمشي برجلك علا درب الخمال رجلك علا اللي مايعز ارطلها
لوتعجبك بعض البشر يبن الحلال القحويانه مايظلل ظلها
ترا البدر لو يكتمل يرجع هلال ماغير عينك في اكتماله سلها
ولا السراب يحسبه الظامي زلال يبطي وكبده تتبعه ماملها
رجال للسلوه وللفزعه رجال والكايده ماكل احد يشتلها
والبندق اللي مايعلق لك غزال بعها علا اول من يسوم وخلها
كلمات اغاني علي بن محمد خشم الريال
غناء : علي بن محمد
كلمات : عبدالمجيد محمد عبدالله الشمري
الحان : علي بن محمد