كلمات خشم الفتيله جفران بن هضبان
وأنا على هقوت طوال الأيادي
ألبي الطيب وانا يوم لبيت
زواج ابو شبنان ثالث عيادي
الله يتمم له ويبني له البيت
بالخير والتوفيق هذا مرادي
من بعدها يضيفنا اقلط وحييت
على الشحم ومبهرات جدادي
سلام ياربع كلو ذروة الصيت
بالفعل ماهو بالحكي والدوادي
وان قلت ابن شبنان بالذكر واطريت
أسمن على رجم المراجل ينادي
وشبنان ابو مناحي خوي النعاتيت
جده وابيه متعبينه وكادي
يستاهل العنوه لامني تعنيت
اللي غمرني بمعروفه وزادي
رد الثنا دينن علي يوم رديت
فرايدن من طيب اهلها تلادي
لو ان ديني دين الاموال رديت
بريال ولا شيمة رجال عادي
يملكني المعروف لو ما ترديت
مبدأ الوفا في كل وافي مبادي
واليا دعاني واجبي ماتونيت
وأن حضرت الغياب غاب الربادي
مضرابها يوم استوالي تواسيت
وقربت من خشم الفتيله زنادي
لا زعزعو مرزوق ماعاد هديت
سقت أزرق الكمبود ماهوب كادي
يستاهلون المدح لا اسرفت وارهيت
محجلن في مدح ربعي قيادي
اموتنا حيين وابقا من الميت
عيالنا اللي يلطمون المعادي
شرن مجننهم صعوط العفاريت
وعقالهم على غزال الشدادي
ياليت أبو الطيب شهد فعلنا ليت
يوم الرماح العلط عدة عتادي
الخيل تعرفنا وشهب السباريت
وسود الليالي قبل بيض الهنادي
ما كان أبو الطيب تمثل له ببيت
والمجد باسمانا الشريفه ينادي
لولا مداراة الخواطر تماديت
حتى الرمك تذعن لصهوة جوادي
وان قالو الاجناب وش عاد خليت
قلت انشدوها مقرعات التوادي
مدحن على وضح النقا يوم عديت
عصمن عليها أسم الفويليح بادي
بختامها على أشرف الخلق صليت
الهاشمي المصطفى خير هادي
كلمات اغاني جفران بن هضبان خشم الفتيله
غناء : جفران بن هضبان
كلمات : نفل بن فهد
الحان : جفران بن هضبان