كلمات خطفت العسل عبدالرحيم عبدالله
وآحب طبْعك معي يالنادر الوافي
محلا عتابٍ يجي منّك ويا لطفه
إمّا كذا الحب .. و إلا جعْله الهافي
اللي بقلبك قبِل لا تنطق آعرفه
اقراك من نظرتك و آترجم الخافي
لا ياسميّ الوله و الشوق واللهفه
لا ياشبيه الصباح الهادي الصافي
لايلْحِقِكْ ضيق من ناسٍ تجي صدفه
و تمرّ ما حرّكت قلبي و لا اطرافي
الحب..ماهوبكيف اللي يبي خطفه
في وسْط قلبي عليه سْيوفٍ ارهافي
والقلب محد ٍ يقرّب له سوا ولْفه
اللي تعدّا عبارة زين الاوصافي
ويش اوْصِفَ الخوخ لاجا باوّل القطفه
والا اوْصِفَ الزين لا جا زاهي وْ ضافي
والعين فيها السما والسيف والشلفه
في غيمها فراش لي و بْجفنها لْحافي
آناخطفت العسل وادمنْت من رشفه
من بعْد طاف الجمر و اللول مغرافي
قلت: انت طبي مهو في داخل الوصفه
قال: العسل فيه طبّك.. والله الشافي
و ان كان جرحك منِ عْتابي بدا نزفه
هذا خفوقي و خلّه منْهِ يستافي
يا جعلني فدوة اللي كاملٍ وصفه
عرّاب حبّي و دكتوري وعرّافي
من طيب طبْعه ومن لينه ومن عطفه
وقّفْت محتار في شعري وفي قافي
كلمات اغاني عبدالرحيم عبدالله خطفت العسل
غناء : عبدالرحيم عبدالله
كلمات : خالد بن رافع
الحان : عبدالرحيم عبدالله