كلمات خلك قريب محمد الدوسري
خلك قريب
محمد الدوسري
سلطان بن مريع
كلمات : فايز بن عدينان اليامي
مكس : حازم الابيض
محمد
عين الغلا اللي ياحبيبي تراعيك
ماهي تشوف إلا انت بد البرايا
ناظر غلاك وحبك بعين مغليك
حتى عيونه ياعيونه هدايا
انا بخير ٍ دام قلبي مخاويـك
ببقى على عهدك مدامك معايـا
لا مـرني ياغاية الروح طـاريـك
ماكن في الدنيا سعيد ٍسوايا
سلطان
خلك قريّب لاتعذب محاكيك
ترى وجودك ياغناتي شفايا
امـر ولو روحي بترضيك بعطيك
راضي بحبك وأنت كل الحكايا
اعشقك وأحبك ولي روح تفديك
ولاغبت كنك تسوقها للمنايا
ليل وشتا والجو بارد وأنا أبيك
لمسة كفوفك ياوليفي دفايا
محمد
اظهرت لك ود ٍ عن الغير يغنيك
مابيني وبينك ياخلي خفايا
مايوجع فوادك ويخلف هقاويك
الا جحود ٍ مايقّدر وفايا
ليتك تشوفه يوم يرقب خطاويك
اللي مشاعرنا سببها ضحايا
سلطان
البعد والصده ومعها تغليك
هذي تسوي في المحبه سوايا
لكن عطيتك عهد ماني بناسيك
وخذيت مني في غرامك وصايا
ان جيت تلقاني على حطت ايديك
وان غبت حاضر دايم ٍ في دعايا
كلمات اغاني محمد الدوسري خلك قريب
غناء : محمد الدوسري
كلمات : محمد الدوسري
الحان : محمد الدوسري