كلمات خيالة السمراء متعب بن دخنه
هادي محمد ال هادي العرجاني
بسم الله الرحمن خلاق الاكوان
اللي له التوحيد والملتجا له
ابدا بـ ذكره واسأله زود غفران
ومن بعد ذكر الله عندي مقاله
مدح لـ منهو للصعيبات مزبان
كم قالة تتلى بعدها ب طاله
من ال عرجاء لا امتلا الجو فرسان
كم عدو مرقده ماهنا له
قوم ليا من شبت الحرب نيران
يصيبهم مع الطناخة جهاله
خيالة السمراء على سرج وحصان
ينومسون المحتفل ب احتفاله
يامية لا ثار فالجو دخان
ماهمهم طول العمر واكتماله
ومبروك ياللي تجتول مثل سرحان
مبروك يارمز الوفا والعداله
ما كل هادي مثل هادي كحيلان
ولا كل رجل ينذكر ينعنى له
ولا كل هادي لا بدا اللازم حصان
يصهل ولا يهتم في كل حاله
والطيب مايحصر على فلان والفلان
ما كل من دور على الطيب جا له
لو النعم ينباع في وسط دكان
تلقى الرخاص تجيبه من البقاله
غير النعم كايد على بعض الامتان
يصعب على بعض الضعوف احتماله
الا صميدع راس ماهوب منان
من طيب ابيه وجاذبه طيب خاله
اصغر خواله يقضي الشان لا شان
واكبرهم ينموس الى جا مجاله
وابيه من يذبح مع الحيل حيران
ولا شاف له حمل ثقيل ارتكا له
الصامل اللي له على المدح برهان
اللي يطوح فالعزاوي عقاله
لـ الطيب في وجهه مواري وعنوان
ويمناه ضارية لـ كسب الجماله
يعجبك في كل المواقف الى بان
كنه من اصحاب السمو والجلاله
كلمات اغاني متعب بن دخنه خيالة السمراء
غناء : متعب بن دخنه
كلمات : متعب بن دخنه
الحان : متعب بن دخنه