كلمات دايره الحياه محمد الريس
فتحت القديم رجعت الذكريات
دفتر في الدولاب انا راكنه من سنين
كان مليان تراب ورقه داب من الزمان
عارفين سيرتي الذاتيه
كلها كانت عن ايه
عن واحد تاه في دنيا
ومحدش حس بيه
انسان محطوط قصاده
علامه استفاهم
انا مجهول الهويه انا عايش والسلام
في بحور الدنيا راكب مركب من غير شراع
انا واحد موجه خانو وفي عرض البحر ضاع
كان كل حلمي اسافر كوكب مليان امان
لكن كل ما احاول برجع نفس المكان
براجع ذكرياتي لقيت كل السطور
مكتوبه في اوضه ظالمه بعيون مشفتش نور
اسأل جوجل يقولك انا تجسيد للعزاب
انا واحد من طفولته شقيان سف التراب
جرا ايه مالك يا دنيا عايزه مني ايه
هوا مفيش حد غيري ترمي حمولك عليه
دايمأ ليه تلعنيني ولعنتك بتصيب
هوا انا قدك يا دنيا والله يا دنيا عيب
شكرأ يا ذكرياتي هقفل الحساب
وهرجع الدفاتر من تاني في الدولاب
اتي لعنه في حياتي وجراح سابت اثار
واديني بحاول انسا هم وذل ومرار
كلمات اغاني محمد الريس دايره الحياه
غناء : محمد الريس
كلمات : شعبان الشاعر
الحان : محمد الريس