كلمات در القصيد عبدالعزيز العليوي
واجعل طريق الدين والحق ممشاك
قدم حقوق الله والعبد مملوك
وان خفت ربك صانك الله وانجاك
اطلق حجاجك للمسايير لا جوك
وقم في لزوم اللي من الضيق ينصاك
واللي ( يمد ) الطيب ..!! ما ينتظر دووك
اخلص لوجه الله فعلك ومسعاك
وخلك ( عزيز النفس ) لو فاضي البوك
لا ( تنحني ) للناس ..!! يغنيك مولاك
ولسانك ان ( صنته ) عن العيب هابوك
لا تغلط ..!! أتضيّع حقوقك ودعواك
واعرف تراك ان ( عبت ) فالناس عابوك
ولا تضحك ( بمبلي ) ترى الله يبلاك
وجنب عن اهل السوو لا بد ما اغروك
الاجرب ان خالطك ..!! صوّبك واعداك
وان شفت بعض الناس في ريب وشكوك
حذراك تكشف ( ستر ) الأجواد حذراك
تصبح عدولهم ومنفي ومتروك
واصبحت ( للفتنه ) والاسباب محراك
ولا تنصر ( الظالم ) ولو انه أخوك
بكره يجيك الدور ..!! والنار تصلاك
واصبر على ربعك والاقراب لا اذوك
( الحرص ) شين يخلي الناس تجفاك
ان كنت (طيب) صرت مقدم ورزوك
فخر لبني عمك و ( الامداح ) تزهاك
وان كنت (هافي) باب الامجاد مصكوك
تلبس عباة ( الذل ) والناس تشناك
وجميع ما تفعل ..!! مسجل وممسوك
تاريخ (وموررث) للاجيال ذكراك
و(المرجله) خيلن ..!! تبى السرج متكوك
والخيل ..!! بين الشتل والنتل وعراك
وخيّااال فوق السرج والقاع مدكوك
ما ( يرتخي ) زنده ولا صابه اركاك
والنصر ساعه ..!! لو ( تصبرت ) مدروك
يا معرب الجدين والطيب مجناك
تم الكلام اللي ( بالأفكار ) محبوك
در القصيد ..!! اللي ( يحثك وينهاك )
معلومات الاغنية
كلمات || نمر بن نايف السحيل
اداء الفنان || عبدالعزيز العليوي
كلمات اغاني عبدالعزيز العليوي در القصيد
غناء : عبدالعزيز العليوي
كلمات : نمر بن نايف السحيل
الحان : عبدالعزيز العليوي