كلمات دكني الشيب عمر العيسى
يا فارج الهم العسير بسكينة
يا غافر الزلات يا ساتر العيب
سبحانك الرحمن عن كل شينة
أسألك يالرحمن من دون تجريب
أقبلت لك ربي ونفسي رهينة
مديت لك كف الرجا والمطاليب
فلا ترد اللي رفع لك يدينه
يارب تلطف بي ترى دكني الشيب
شيب الهموم اللي يدك الثخينة
وترحمني برحمتك يا مانح الطيب
مالي سواك اللي يبد الغبينة
جيتك وانا عبدك ملته النخاريب
فلا تواخذ ما مضى من سنينه
فاغفر لي الزلات واستر لي العيب
نفسي على كثر الخطايا سجينة
يارب تجعل لي من الخيرة نصيب
وتمطر علي الخير في كل حينه
وترزقني الجنة وخير العواقيب
في جنة الفردوس دار الثمينة
كلمات اغاني عمر العيسى دكني الشيب
غناء : عمر العيسى
كلمات : عبدالرحمن العيسى
الحان : عمر العيسى