كلمات دك هاونك ياس خضر
ثلاثين عام وحمد لا مر ولا اجه الريل
دك هاونك يا حزن
خليني اسمعك ترن
مامش بعد كل رجه يوصل قطار الليل
دك هاونك يا حزن واسحن بكايا الحيل
حزنن ليالي الفرح والدمعه هلهوله
وخزامه صار الصبر والمستحه سوله
شطولك يا ليل الصبر
تجرح ايام العمر
جزنة وبعدنه بامل يوصل قطار الليل
دك هاونك يا حزن واسحن بكايا الحيل
لليل لسعة شمس والشمس بردانه
والروح نخله بجرح من اسنين عريانه
وينه الينشف الدمع
ويسمع الماينسمع
غص الكلب بالصبر شنصبر بعد يا ليل
دك هاونك يا حزن واسحن بكايا الحيل
كلما يزيد القهر للفرح دكت باب
وكلما يكون العتب خنجر نظل احباب
والقصه قصة حمد
وريل انكطع للابد
لكن نظل ابرجه يوصل قطار الليل
كلمات اغاني ياس خضر دك هاونك
غناء : ياس خضر
كلمات : خالد العامري
الحان : فيصل الطاهري