كلمات دمعتي نزلت حسام الرسام
لحو بالحجي لحو * كلتلهم تعاوفنه
من شافوك مو يمي * وبعيني قروا همي
ضحكوا واحترك دمي * كلتلهم تعاوفنه
مو قصدي افضح اسرارك * ولا قصدي اضحكهم
لأخر لحظه ما ابعدك * اذا متصدك اسألهم
***
كالو منك اتبره * حب غيره ولتنتظره
طك كلبي وخلص صبره * وكلتلهم تعاوفنه
طلعتلهم بألف حجه * بعد بالسكته شترجه
احس روحي صرت فرجه * وكلتلهم تعاوفنه
مدري كبالهم اضحك * مدري عالبخت ابجي
تمنيتك جنت يمي * حتى اسكت اليحجي
***
حبيبي البارحه اذوني * نزلوا دمعة عيوني
جبر عالحجي جبروني * كلتلهم تعاوفنه
بالأول ما حجيت اني * بس من الحجي اذاني
حجينه وجروا الساني * كلتلهم تعاوفنه
اني وانت نستاهل * خلي الكل يعذبنه
حبيبي احنه خلينا * الكل يضحك على حبنا
كلمات اغاني حسام الرسام دمعتي نزلت
غناء : حسام الرسام
كلمات : غير معروف
الحان : غير معروف