كلمات ذرا المضيوم جفران بن هضبان
ملامح وجهي البارح تكفي عن تعابيره
انا من كثر تفكيري تقول التايهه المنجوم
وانا اللي في فجوج الارض ماخلى ولا ديره
لاتزعجني ليا سجيت في راسي تدور علوم
مابيك تقول صح النوم وانا من مداويره
ياوجهه الوقت لو تاخذ من عيوني لذيذ النوم
ماتقدر تاخذ ابداعي وتركييه وتصويره
تراي الشاعر اللي سبحته ماتاخذ الا يوم
تقطع في يدينه من هواجيسه وتفكيره
لو ان الوقت ماخلد قصايد عمر بن كلثوم
قعد مثل الهودي من يدينه غادين طيره
يطيح الرجل من دون الجميل ويعتزي ويقوم
ولا جمله مع روس الرجال الا صعاطيره
وليد ابن فهد يامي وزحل من زحول القوم
عليه يقلطون المعضلات وترجع صغيره
شلع بسمه وصيته شلعت القرناس يوم يحوم
مثل ماشلع امع المجتمع فعله وتقديره
وعلى جنبه اخوانن يبهجون الخاطر المهموم
عيال العود ياطيب الاصل والفعل والسيره
ابن مزحم فهد كلن يعرف الابلج الزيزوم
عسف كل صعبا في المجد عايقتن مشاويره
طرف بشته ذرا المحتاج ويمينه ذرا المضيوم
على وجهه البسيطه كن مابه واحدن غيره
يلاطم مجلسه دايم هذا طرقي وذا معزوم
مثل ما لاطم الاصوات ترحيبه بتكريره
لو ان المجلس يحفظ الكلام اللي يردد دوم
يحفظ اكثر كلام يقال ترحيبه وتشكيره
ترى اليامي مثل مايمتلك عرف ودها واسلوم
تراه اكثر من يقدر حقوق الضيف والجيره
وقبايل يام زواعت خطاء فالموقف المحسوم
ماتقصر خطوة الرجال في شره وفي خيره
كلمات اغاني جفران بن هضبان ذرا المضيوم
غناء : جفران بن هضبان
كلمات : خالد قلاح الشلوي
الحان : جفران بن هضبان