كلمات ذكراك تاويني محمد بالحارث
ادرجتها في عناويني
جفني جريح السهر ما بات
وانوح من جور ما فيني
اتوه في معظم الاوقات
وافكاري تروح وتجيني
واصد وآلوذ من العبرات
اخاف لاتنفضح عيني
واطاوح الفقد والونات
والعزله احيان تغريني
يا زين يا موّرد الوجنات
وين الوعد بينك وبيني
يابو عيونٍ سحر نظرات
تنبش جروحي وتدميني
يا ناسي العشره ومافات
حرام يا زين تشقيني
فيما مضى ليلنا سجات
واليوم قلبك مجافيني
من بعد ذاك الغلا مأساة
واسراب ذكراك تاويني
ودي بشوفك ولو لحظات
ترد روحي وتحييني
القلب تشكي له النبضات
وتبكي غيابك شراييني
يا زين ما اقدر على الآفات
والله ما بي يكفيني
شنيت في مهجتي غارات
ومن غيرك اللي يداويني
ضاع العمر وحشه وصكات
مالي سوا الله يراعيني
كلمات اغاني محمد بالحارث ذكراك تاويني
غناء : محمد بالحارث
كلمات : سلطان احمد ال عبيه
الحان : محمد بالحارث